Pathian khawngaihna leh hmangaihna zarah,
Mizo lgbt Christians hi 23rd, August 2015 ah a lo ding thei a. Hun rei tawh tak Mizo lgbt te hi rah
beh, endawng leh hmuhsit in an awm a, an la awm mek zel bawk a. Heng avang te
hian Mizo lgbt te thlarau tam tak kan lo hlauh tawh a, tam tak beidawnna ah lut
in a then mahni inti hlum ta hial te kan lo awm tawh thin a ni. Hetiang ang
thil thleng hi duh tawh lovin leh Mizo lgbt te thlarau leh taksaah chhandama kan awm theihna
turin Mizo lgbt Christians hi a lo ding ta a ni.
Kan thil tumber chu : " LGBT CHUNGCHANGA BIBLE ZIRTIRNA DIK IN ZIRTIR LEH KRISTA CHANCHINTHA LGBT TE HNENA HRILHA NUN KAWNGDIK ZAWKA KAIH HRUAI" hi a ni a, CHHANDAMNA HI STRAIGHT(heterosexual) TE TAN CHAUH A NIH LOH ZIA LEH MI TUPAWH A RINGTU TE TAN CHHANDAMNA A NIH ZIA, puanchhuahna tura din a ni bawk a ni.
Kan thil tumber chu : " LGBT CHUNGCHANGA BIBLE ZIRTIRNA DIK IN ZIRTIR LEH KRISTA CHANCHINTHA LGBT TE HNENA HRILHA NUN KAWNGDIK ZAWKA KAIH HRUAI" hi a ni a, CHHANDAMNA HI STRAIGHT(heterosexual) TE TAN CHAUH A NIH LOH ZIA LEH MI TUPAWH A RINGTU TE TAN CHHANDAMNA A NIH ZIA, puanchhuahna tura din a ni bawk a ni.
Kan website atang hian lgbt nihna hi mahni
duhthlanna leh chak zawng thil a nih vanga ti mai mai an nih loh zia te kan pho lang zelin kan hre thei a nga, Science lam pawh in duhthlanna a nih loh zia an hmuchhuak a, Matthaia 19:12 ah Isuan nu pum chhung atanga Eunuch-a(tuai/patil) piang te an awmzia a sawite hi a tak tak a nih zia pho lanna tur a ni bawk a ni.
Mizo lgbt te hi khawvel ah chep taka awmin,
hmuhsit leh endawng tawk mek zel in, Biak Inah te, society ah te leh chhungkua
ah te an chep hle a. Kan society hian Mizo lgbt te hi kan pawm thei lo a nih
pawn hmusit leh ti hrehawm lo turin kan ngen bawk a ni. Tin, lgbt te
hriatthiam loh lutuk avang leh Bible in zirtir na diklo avanga kan lgbt unau
tam tak an nun a lo chhiat phah avang leh nun te hial kan lo chan tawh avangin
pawi kan ti hle a, hengte hi tih tawp kan duh avanga he organization hi ding a ni bawk a, LGBT right hi HUMAN right a ni ve tih pawh hi sawizel kan tum bawk a ni.
Kan thiltih tumte kan hlawhtlin zelna turin in mi tawngtaisakna leh in mi supportna kan mamawh reng bawk a ni. Lalpan chhiartu malsawm che u rawh se. Amen.
Kan thiltih tumte kan hlawhtlin zelna turin in mi tawngtaisakna leh in mi supportna kan mamawh reng bawk a ni. Lalpan chhiartu malsawm che u rawh se. Amen.
