SIDE-A te ngaihdan han thlir ila.
Kan theology ah hian kan conservative ve hle
a. Bible hi kawng dik min kawh hmuh tu anih kan ring tlat a, inneih hma a sex
hman te leh ngaihzawng hran hran leh Pathian duhloh zawnga taksa hman hi tu tan
pawh thil thalo a nih kan ring tlat bawk a ni. Tun hma chuan kan Side pawh hian
homosexual acts (anpui kawp) hi thil diklo vek turah kan ngai thin thova – eng ang
pawn lo in hmangaih leh lo in committed pawh nise diklo turah kan ruat in kan
ngai vek a ni. Mahse Bible kan han study chian hnu ah chuan hei hi kan ngaihdan
a ni tawh lo. Tunah chuan homosexual acts hi mi pahnih in hmangaih tak,
committed tak, rinawm tak, damchhung
atana in kawp tlat leh Isua a laiah dah te tan chuan thil pawilo a ni tih kan pawm a ni.
SIDE-B te nen hian hemi chung chang ah kan ngaihdan a in ang lo ta a. Pawi pawh kan ti hle a ni. “TRADITIONAL VIEW”
aiin “REFORMED VIEW” hi kan kalpui zawka, an ni chuan “TRADITIONAL VIEW” an
kalpui zawk a ni.
Tunah hian kan inhnial na ber thin te ilo en ang.
Inhnialna
1: KAN TAKSA HI HETEROSEXUALITY ATANA DESIGN ANI
He inhnialna hi chi hran hran a hnial dan a
awm thei a. A then chuan Pathian in Adama leh Evi a siam an tia. Adama leh
Steve-a a siam lo tih te pawn an sawi fo thin a ni. Sum leh suk tehkhin na te pawh
a awm hial a. Kan sawi tum chu a in ang vek awm e. Pathian hian kan taksa leh a
pengte hi chhan nei leh tih tur bik neia siam a ni tih hi a nih hmel.
Pathian hian mihring(Adam & Evi) hi heterosexuality rilru
pu in a siam tih hi kan hnial hauh lo. He mi chungchang ah hi chuan kan pawm thlap
a. Kan taksa hmeichhia leh mipa awm dan atang te pawn sawi ngailovin a hriat a
ni. Mahse kan taksa enge maw tan bik a Pathian in a design/siam avangin thil
dang deuh atan kan hman hi thil sual a ni em?
Pathianin kan beng leh kan hmui hi mi te nen
kan in biak leh hriatthiam nan a lo siam a – kan ngaithla thei a, kan tawng
thei a. Khawvel mi zawng zawng in communicate dan a ni. Mahse mi thenkhat chu
an beng a ngawng a, an pian ve dan hrim hrim vang pawh a ni thei anihloh pawn
an chungah engemaw tak a thlen avanga ngawng ta pawh an ni thei. Engpawh chu a
chhan chu lo ni se mihring pangai in biak ang chuan kan be theilo a, an kut leh
zei zirin biak an lo ngai ta a. Mahse an kut kha midang nen in biak nan a an
hman avang khan, an kut kha khatiang atan Pathian in a siam lo, thil sual a ni
kan ti dawn em ni?
Pathianin chutiang khatiang atan a siam lo
tih hi chu inhnialna tlak ah kan ngai ve lova. A chhan chu tlukna alo awm
atangin Pathian design leh siam dan ang hian engmah hi a awm tawh lova. Tumah
hi kan awm lo. Nang pawh i awm lo. Awm tum eng ang mah la, i awm chuang lo.
Thudik awm sa a ni.
Inhnialna
2: SEX HI CHI INTHLAHCHHAWN NAN A NI
Mi thenkhat chuan inneihna, kawppui neih leh
sex hi chi inthlahchhawn nan a pawimawh a, chuvang chuan chutiang lo atana sex
neih hi thil sual a ni tih pawn inhnialna an siam mai thei. Mahse tunah chuan
sex hi inthlahchhawn nan chauh hman tur a ni tih hi chu Roman Catholic Church
tih lovah chuan kan in zirtir tawh awm lo ve.
Kan Bible hian sex hi chi inthlahchhawn nan
chiah hman tur a nih thu hi a sawi lo a ni. A nihna diktak ah chuan sex hi chi
inthlahchhawn nan chauh nilovin, mihring ah inpumkhatna a siam tih IKorinth
6:16 ah kan hmu a, chu mi bakah inneihna mawhphurhna a ni tih I Korinth 7:3-5
ah kan hmu thei bawk. Chi inthlahchhawnna hi chu chhan pakhat te ve chauh a ni
zawk a, innei tawh te hian in thlah chhawn nan ni miah lovah pawh sex hi an hmang zing viau a. Roman Catholic official dan ah chuan, sex hi
chi inthlahchhawn nan chauh a hman anih loh chuan thil sual a ni an ti thin a, mahse
hemi dan hi an zawm loh bakah thil ngaihpawimawh thlaka ngaih a ni lo. Nupa tam
tak fa nei theilo te pawn sex an hmang a, an chi a thalo tih pawh an hre reng a
mahse sex an hmang tho. Nupa kara sex hman hi thil sual ni lo leh chi
inthlahchhawn nan chauhva hman a ni ngailo tih hi kan sawi tum ber chu a ni.
Chuvangchuan sex hi chi inthlahchhawn nan a
ni tih hi chu inhnialna thupui tlaklo leh ngaihdan atthlak lutuk zawk ah kan
ngai a ni.
Inhnialna
3: BIBLE AH ANPUI KAWP INNEIHNA A CHUANG LO RENG RENG
He inhnialna thupui hi chu a hmasa zawk
pahnih te ai khi chuan a inhnial tlak deuh e. Tichuan inneihna pawn lama sex
hman reng reng hi sual a nih chuan, anpui kawp te tan chuan sex chu sual a ni.
A chhan chu anpui kawp inneihna Bible ah a awm si loh chuan thil theih a ni
thei dawn ta lova, sual a ni dawn tihna hi a ni a. Anpui kawp inneihna hi
Pathianin a siam lova, mipa leh hmeichhe karah chiah inneihna hi a siam a ni tih
hi SIDE-B te sawiber chu alo ni ta a.
Hemi chungchangah hian a chanve khi kan pawm
a, a chanve khi kan pawm ve lo. Sex hi
inneihna huang chhung lova hman hi thil sual a ni tih hi kan pawm thlap a.
Tichuan Bible ah hian anpui kawp inneihna a awm lo tih pawh hi kan pawm thlap a
ni. Mahse Bible an ziah hunlai culture ah khan anpui inkawp inneihna a awm
ngailoh zawk avangin Bible ah hian a chuang ve lo tih hi kan ngaihdan a ni.
Khang hunlaia thil awmlo kha chu Bible ah hian a chuang thei lo hrim hrim a ni.
Tun hma hun Israel te culture ah pawh khan inneihna hi tunlai ang hi a ni hauh
lo. Inneihna kha ro khawm leh mawhphurhna inchhungah leh khawtlang ang takah
pawh hlen tu ang lampang zawng ah an ngai a. Chungtiang ngaihdan avang chuan
Deut 25:5-6; Gen 38:8 ah te chuan mipa in an unaupa thi tawh te nupui lakah fa
neih pui tur tih ang dan te kha a awm a. Tichuan chung hunlai chuan Pathian in
polygamy (nupui tam tak neih theihna) kha a ordain thu Exodus 21:10-11, Sam
12:7-8 ah te pawh kan hmu a ni. Chu mi aia thil mak chu, sal neitu pa in a sal
kha a chhuah vaih chuan, a sal nupui leh a fate kha a neitupa chuan ama tan a
dahtha thei a ni (Exodus 21:2-4). Chuan thil mak leh em em chu, chung hunlai
chuan hmeichhia hi mi in lo pawngsual ta se, a pawngsual tu pa kha an neih luih
tir thin (Deut 22:28-29). Thil dang tam tak sawi tur a la awm khang hunlaia inneihna
thu a an ngaihdan leh an thil tih dan te. Mahse kha lam kha kan sawi tur ber a
nih loh avangin kan sawi zui tawh lovang. Kan sawi tum zawk chu Bible a
inneihna a sawi entirna leh hlimthla kan en chuan a hun laia culture awm dan a
zir zel in alo sawi zawk a ni. Tunlaia inneihna leh kan inneih chhan nen chuan
a in ang tawh lo nasa a ni. Chu chuan anpui kawp inneihna pawh a chuang ve loh
chhan pawh a sawi fiah hle.
Thil tamtak hi Bible chuang lo a tam em em a,
a pawimawh loh vang emaw a hunlaia culture ah khan a awm ve loh avang te pawh a
ni thei awm e. Entirnan computer a sex lam movie te, in hrawt te pawh a chuang
lo. Heng ang thil ah hi chuan kan chhia leh tha hriatna leh Thlarau Thianghlim
kaihhruaina kan hmang mai a ni.
Hemi inhnialna chhan na leh thuthlukna hre
tur chuan Inhnialna 4 hi kan bih phawt a ngai ta a ni.
Inhnialna
4: “PATHIAN DAN A NI”
Pathian hian anpui kawp lakah hian dan kalhna
a siam anih tak tak si chuan, chu dan chu kan zawm tur a ni tih hi kan ngaihdan
a ni. Pathian dan leh a thu zawm hi kan tihmak mawh a nit lat. Mahse chutiang
dan chu Pathianin a siam tak tak em?
ANPUI KAWP LAKAH DAN AWM THEI AWM A LANG TE
Bible a anpui kawp kalhna zawng a sawi awm ho
te han thlir ila. Chung Bible chang te chu han en tai la. I hriat chian viau ka
ring.
Prooftext
#1: Sodom thawnthu (Gen 19)
He thawnthu hi chu Bible la chhiar leh zir
chiang ngailo ten anpui kawp dem nan an hmang ve mai mai a ni ber in a lang.
Kan lo inzirtir dan leh kan lo hriat ve dan
ah chuan, “Pathian in Sodom leh Gomorra kha anpui kawp vang in a hrem” tih hi.
He zirtirna hi nuih pawh a ti za hle. Sodom leh Gomorra kha Pathian in hrem a
tum chhan tam tak a awm a ni. (Ezekiela 16:49 ah chuan – I laizawn Sodom
khawlohna chu heng hi a ni: chapona te, ei puar lutuk te, amah leh a fanute
nuamtawlna mai mai te a ni a, mi rethei te leh tlachham te chu a pui chuang hek
lo.). Sodom khua hi GAY city (khua) a nilova, STRAIGHT ho city (khua) a ni zawk
a ni.
GAY CITY a
kan ngaih chhan pakhat a awm thei awm e. Genesis 19 ah khan Angel pahnih te kha
mipa anga in thuam in an lokal a khua ah chuan, Lot-a leh a chhungkua te rawn
warn (tlanchhe tura hrilh hriat-na) turin. Pathian in Sodom khua kha a hrem
dawn tih thu rawn hrilh tur khan an lokal a. Mahse an khua a mite (mipa
puitling tawh tihna, hmeichhia leh
naupang mihring a chhiar an nilo a hunlai hian), veng tin a mi zawng zawng,
apui a pangin (mipa puitling tawh – a upa ber atanga a naupang ber thlengin
tihna) in Lot-a mikhual pahnih (Vantirhkoh mihring anga lokal te chu) mutpui
turin rawn hruai chhuak turin an au a nih kha. Hei hi GANG RAPE tunlai tawng
tak chuan a ni. In ngaihzawn lam a kawk lo. Tin, he khaw pumpui hi GAY an nilo.
STRAIGHT ho mahni mi pawngsual tum lam a kawk zawk a ni. Khang hunlai khan a
huhova pawngsual a hmei a pa in an ching em em a ni. Heng hunlai hian mikhual
hi an dawngsawng thalo thei em em a, a huhova pawngsual hi an ching a, mikhual
lokal te dah hniam nan leh ui cho ai pawh in an hniam zia entirnan heng thil te
hi an ti thin a ni. Ngun takin ngaihtuah dawn ila. Sodom mipa ho zawng zawng
hi gay an ni vek tih na a ni a ngem? Thil ni thei lo hulhual tih chu a chiang
a, chu chu dah tha rih ila. Gay vek ni ta se? Lota khan a fanu pahnih te kha an
mutpui atan a hlan a ngem? Lot'n an khaw ho te chu a hre bel hle awm si a. A
fanu pahnih an mutpui atana hlan a tum atang tawh khan mipa ho kha gay an ni lo
tih a chiang hle a ni. Gay in hmeichhe it na an nei lo. Lot'n a fanu te pek a
tum dan atang tawh hian homosexuality lam a nih loh zia a lang nghal pang tawh
a ni.
A
lehpekah chuan entirnan sawi ta mai ila, angel te kha female angels ni ta se?
An khaw mipa ho in mutpui an tum kha, an bawhchhiatna chu heterosexuality a ni
kan ti phal in, heterosexual duh loh na a ni kan ti a ngem le? Kan ti duh teuh
nang. Sexual violence a ni kan ti leh pek daih ang chu. Kan Bible ah hian Sodom
chungchang inziahna chang 50 lai references a awm a, khawi hmunah mah hian
homosexuality zawnga ziahna hi a awm lo a ni. Juda 7 ah pawh chiang takin a sawi
a, ahnuai lamah a hranin hrilhfiahna a awma, ilo chhiar ngei ngei dawn a nia.
Sodom ten an mikhualte (angels) an lo lawm dan tenawm tak, rape an lo tumna
zawk kha an sualna chu a ni zawk a ni. Gay leh lesbian a kawk lo a ni.
Sodom
khaw chanchin ang deuh hi Bible ah hmuh tur a awm a. Roreltute 19-ah. Mi pakhat
Gibea khua ah mikhual anga ava kal na chanchin lam a ni a. He mipa hi Beliala
fapa thenkhat te chuanin a huhova pawngsual anlo tum lehpek a. Mahse he pa hi
pawngsual lovin a hmei zawk chu an pawngsual leh sawisa ta zawk a. Heng hunlai
hian GAY khawpui hlir an awm tihna ami? Anih loh zia chu, hemi thawnthu
chanchin atang pawh hian a hriat hle a ni. Hmeichhia an ni emaw mipa an ni
emaw, mikhual hi an pawngsual fo thin a ni. Roreltute 19:22-a a in ziah dan han
thlir ila. “Chutia hlim leh lawm taka an
awm lai chuan, ngai the, chumi khuaa mi, Beliala fapa thenkhat chuan in chu an
rawn hual vel ta hlawm a, kawngkhar an rawn chhu dawt dawt a; in neitupa putar
hnenah chuan. “In ina lo thleng pa kha han hruai chhuak rawh, kan lo pawl the ang,”
an ti a.” Heng hunlai hian sualna a nasa em em a ni. A pawng sual tum tute
hi STRAIGHT an ni zawk a, mahse chuti chung chuan GAY ho an ni tih ang zawng
hian an sawi leh lawi si a.Tin, mipa pawngsual tum te khan hmeichhia an
pawngsual daih tak si ah chuan “HETEROSEXUALITY” kan dem vek dawn em ni?
Chutiang ang bawk chuan mipa an pawngsual avangin “HOMOSEXUALITY” dem vek erawh
thil dik a niloh zia a lang.
Engpawh
nise Traditionalist scholars ten Sodom thawnthu ah hi chuan min hnial ngai lova
a chhan chu an ni pawn Sodom leh Gomorra hi homosexuality avanga hrem anih loh
thu an hre chiang a. Vantirhkoh pahnih te Pathian in a rawn tir chhan pawh kha
a hrem dawn vang zawk a ni a, chumi chuan a entir chu vantirhkoh te pawngsual
an tum hma daih tawh zawk khan Pathian in hrem a tum tih hi a ni. Vantirhkoh te
pawngsual tum avanga hrem nilovin. Thil inhnialna tlak loh tak a ni hei hi chu.
Prooftext #2: Milem biak leh tuh rah
seng tur (Rom 1:18-32)
Prooftext zawng zawng ah hei hi a sei ber leh
complex (Sawi fiah har leh hriatthiam har tak) ber a ni awm e. He Rom khuaa mi
te hnena lehkhathawn Bung tir chang 22 ah chuan, Paulan “Pathian hre si” mahse “Pathian
angin an chawimawi lova, lawmthu pawh an sawi hek lo; thil lawilo an ngaihtuah
ta zawk a, an thinlung a chu a lo thim ta a.” tiin a sawi a. Chutiang ang mi,
Pathian hre si mahse Pathian chawimawi duh lo te chunga thil thlengte a sawi ni
awm takin a lang a ni. “Thi theilo Pathian chu thi thei mihringte, leh sava te,
fuliafate te, rannung te lem angah an chantir ta a.” Idols worship lam a kawk
hle a ni. Pathian tak hre tawh ho ten an thiltih avanga leh Pathian aiin
Pathian siam ve mai zawk te Pathian aiin an bia a.
Rom.1:26-28
“Chu
mi avangin Pathianin zahthlak taka hur phalin a hawisan a; an hmeichhiate meuh
pawhin an awm dan pianpui chu dan lo anga awm turin an in ti danglam si a; mipa
te pawh hmeichhe hman dan pangngai bansana hurin an in it a, mipa leh mipa tha
lo takin an inti a, an sual man hmuh tur chu an mahniah an hmu a. Tin, Pathian
hriat an duh loh avangin, thil mawi lote ti tura a duh loh zawng rilru neih
phalin Pathianin a hawisan ta.”
He chang hre fiah tur
chuan a bung puma kan zir hmasak leh Rom lehkhathawn thawn hunlai 1st century laia an awm dan hriat
hmasak phawt a ngai a. Chu ti lo va he lai changte chauh kan chhiar chuan
homosexuality chezia ang a nih avangin gays leh lesbians te sawi chhiat nan kan
hmang fo thin a, kan ngaihdan ringawt kan kal tir hma in a bung chhunga
changtir lam atang leh he hunlaia Rom ho biakna an religion sawi hmasa phawt
ila.
1st century,
tirhkoh Paula lehkhathawn hunlaia an awm dan kan thlir chuan pathian dang milem
biakna a nasa hle a, Greek pathiannu Cybele an tih te bia in, cu lo pathian
dang dang pawh biak an ngah hle a. Korin khua ai mahin milem biaknaah an nasa
zawk tih a ni. An pathian biaknaah hian sexual worship hi a in hnamhnoih na sa
hle a. Shrine prostitute an tih an temple, an pathian biakna hmuna sex hman pui
tur atana mipa emaw hmeichhe inzuar, chungte chu mipa pawh in hmeichhia pawhin
an in mutpui dun vek a, chu chu an pathian tih lawm nana an biak thin dan a ni.
Thuthlung hlui Leviticus18:22;20:13 lamah pawh khan Aigupta pathian biakdan he
tiang ang chiah niin chung pathiante biakna laka Israelte in hnamhnoih ve lo
tura tih an nih kha. Pathianin a duh loh bera chu pathian dang an biakna zawk
kha a ni. He lai Rom lehkhathawnah pawh hian ngun takin chik ta ila, gays leh
lesbians duh loh na engmah a awm loh zia leh pathian dang an biak zawkna leh
Pathian tak pawm duh lo ho a sawi duhna zawk a ni. Lesbians leh gays te pangai
taka in hmangaihna duh loh na pakhat mah a tel lo a ni. Chang 18 atang hian ilo
thlir teh ang.
Rom.1:18-20 kan chhiar
chuan Pathianin mihringte hnenah A Pathian nihna a hriat tir tawh zia te a sawi
a, Pathian dang biak reng a duh lo tih kan hriat kha. Pathian hriat thu ah
chuan tuman chhuanlam tur kan neih loh zia a sawi a. Eng tiang chiah in nge
Pathianin mihring te hnenah a in puan chhuah dan en phawt ila…
a .
Thil siam atang (Psalm.19:1-3).
b .
Kan chhia leh tha hriat theihna atang
(Rom.2:15).
c .
Zawlnei te atang (Jeremiah.22:29).
d .
Amah leh Amah a in puanchhuahna atang
(Psalm.98:2,3).
e .
A
thu thianghlim Bible atang (Galatia.3:8,22, 2Tim.3:16-17).
.
A Fapa Isua hmangin (John 1:1,14,
Heb.1:1-3).
Pathian kan hriat
theihna tur hian mihring hnenah kawng hrang hrangin a in puangchhuak vek tawh
a, Rom.8:21-22 ah chuan Pathian chu hre si in, Pathian angin an be duh lo va,
an hawisan thu kan hmu a. He tih hunlaia Rom ho awm dan ang chiah kha a ni a,
Pathian taka chu an hria, mahse Pathian taka biak aiin pathian dang siam chawp
te biak kha an thlang zawk a ni (23). Entirnan Hindu pa emaw, Buddhist pa emaw
hi Pathian nung chanchin zawt mah rawh, an hre lutuk, mahse an mahni pathian lo
chu an be duh bik thak lo. Khatiang chiah khan Paula lehkhathawn hunlaia Rom ho
pawh kha an ni ve a ni. Rom8:24-32 thleng kan chhiar zel chuan, chung pathian
dang biaknaah chuan a chunga kan sawi tawh angin sex a in hnam hnoih nasa em em a. Pathian nung
hre siin an pawm duh lo va, milem biakna lama an in hnamhnoih na zawk leh
mihring te sualzia kha a rawn sawi duh na a ni. A title ah pawh “Mihring fate sualzia” tih a nih kha. Tun
ang huna milem biakna vang ni lo, in hmangaihna avanga relationshipa awm gay
leh lesbian te sawi na a ni lo a ni.
Pathianin hur phalin a
hawisan a tih apiang khan gay leh
lesbian a kawk lo va, Pathian an hawisana milem an biak zawkna kha a rawn lang
zel a ni(25-28). An pathian biaknaa an awm dan kha homosexuality chezia ni
mahse gay leh lesbian te a kawk lo va,
shrine prostitute te a kawk zawk a ni. Heterosexual (straight) dukdak lo taka milem
biaknaa sex hmang an ni mah zawk a ni. A chhan chu tun hunah pawh hian 5% chiah
hi gay population a ni a, khatih hunlai ah phei chuan ala tlem hle zawk dawn a,
Rom khaw mipui tam zawk kha gay an nih theihna percentage tam zawkin a awm lo a
ni. Gay leh lesbian te sawina ni lovin shrine prostitute leh milem biakna duh
loh na bawk a ni.
Rom lehkhathawn hrim
hrim hi bung1 atang bung8 thleng kan chhiar zawm vek a ngai a, a chhan chu
bung1-2 ah hian mihring te sualzia leh Greek emaw, Juda te emaw pawh tumah Dan
zawmna leh mahni thiltih felnaa pawm theih kan nih loh zia a sawi na a ni a, bung3:10
lamah pawh tumah mifel reng an awm lo, a ti bawk a ni. Bung3:21 atang bung8 lam
kan en chuan Krista rin avang chauhva chhandam kan nih na zawk a rawn sawi
langa ringtu nun thlengin etc… homosexual duh loh na reng hi a awm lo a ni. Rom
background leh a Bible bung context hre chiang lo va mahni ngaih dana gays leh
lesbians te pawng huat ve ngawt tur leh Pathianin a duh lo tih ve ngawt tur a
ni lo. Chiangtaka zir chianna kan neih hnu ah chuan Rom 1:26-28 hi gay leh
lesbian te sawiselna leh duh lohna lan tirna ni lo vin, Pathian be duh lo va
milem pathian biakna leh shrine
prostitute duh lo sawina zawk a ni.
On
Roman1:26-28Matthew Henry 1662-1714,believes that Paul was
addressing shrine prostitution and idolatry.
Charles Hodge1797-1878, Says “those sins are always intimately connected with
idolatry, forming at times even a part of the service rendered to the false
gods."
Prooftext #3 – ARSENOKOITAI (I Korinth 6:9 leh I Tim 1:10)
I
Korinth 6:9 chhunga "Malakoi leh arsenokoitai" tun hnua homosexual
anga diklo taka an rawn lehlin tak mai original word zirchianna.
Hman atang tawha
1Korin.6:9 chungchang min lo zir tir dan atanga kan lo hriat ve dan chuan
homosexual hi Pathian duh lo zawng a ni tih in zirtir nan he chang hi min lo
hrilh thin a. A thu mal lo chhuahna original word Geek zawk hi kan en tur zawk
a ni a, a Greek ah eng tin nge a in ziah tih hi kan en tur chu a ni. KJV ah
chuan tihian a in ziak a, "Know ye not that
the unrighteous shall not inherit the kingdom of God? Be not deceived: neither
fornicators, nor idolaters, nor adulterers, nor effeminate (malakoi), nor abusers of themselves with mankind, (arsenokoites)" -1 Cor
6:9.
KJV hi Bible lehlinah chuan Greek nen
hian a in hnaih ber a, homosexual hi a sawi tel lo bawk ani. Modern English
translation chiah hian malakoi leh arsenokoites hi homosexual angin an rawn let
a, atlangpuiin anti-gay Bible let tu te an ni a, tongbul lama homosexual ni
miah lo kha, homosexual tiin an dah a, engtik kum atang chiah nge homosexual
tia dah a rawn nih tih hi en phawt ila. AD 55 ah khan Tirhkoh Paula hian Greek “Malakoi” tiin a hmang a. AD 1380 ah
Wycliffe hian “neische” tiin a hmang leh bawk a, kum a rawn her danglam zel a,
AD 1958 ah Amplified Bible hian homosexuality
tiin a rawn tar lang ta a ni. AD 1979 ah hian NKJV hian homosexual tiin a rawn thlak dang lam a, KJV hmang lo tunlai chhuak
thar Bible ah chuan homosexual tih
hlirin an dah tawh a ni. Kan ngaihtuah tur atana pawimawh chu Bible lehlin thar
hi a chhuak nasa tawh em em a, tamtak lehlin dik lo tih hriat chian em em te a
tam hle a, tongbul lamah engtin nge a sawi tih zawk hi kan ngaihtuah tur chu a
ni. A nih chuan tirhkoh Paula ziah, Greek “Malakoi” awmzia hi eng nge ni le? Malakoi
thu awmzia tak chu “soft” “nem” tih na a ni a. Mathai 11:8 ah khan,
Isuan malakoi hi “ puan nem” sawi nan a lo hmang a. 1st century
lamah pawhMalakoi hishrine/ temple prostitutesawi nan an lo hmang bawk a ni(Anti-gay Calvinist Phil Johnson admits the
context of 1 Cor 6:9 was temple prostitution. Clement of Alexandria, AD 150-215, defined malakoi as shrine prostitution). Anti-gay Bible theologian tha tak tak
te pawn an pawmin an hrilhfiah dan a ni bawk a. Isuan Malakos a hman reng reng
pawh hian gay leh lesbian sawi nan a
hmang ngai lo va, a hnuaia mi te ang hian a hmang zawk a ni.
”But what went ye out for to see? A man clothed in soft
raiment? (malakos) behold, they that wear soft clothing (malakos)
are in king’s houses.” - Matthew 11:8.
“But
what went ye out for to see? A man clothed in soft raiment? (malakos)
Behold, they which are gorgeously apparelled, and live delicately, are in
king’s houses.” - Luke 7:25.
Isua hian Malakos or malakoi hi puan nem sin lal in
a awmte sawi nan a hmang a ni. Isua ngei pawhina gay leh lesbian sawi nana a
hman loh va chu eng tin nge tirhkoh Pauala hian a hman bik teh lul ang le?
Hmanlai Greek literature te reng reng hian malakoi hi eng tikah mah lesbian leh
gay sawi nan an hmang ngai lo a ni. First century ah pawh homo sawina ni lo chu
eng vangin nge 21st century ah homo sawina angah a rawn in thlak
theih daih ang le? Bible lehlin dan dik lo tak hi kan hriatfiah a pawimawh tak
zet tawh a ni.
Arsenokoites chung changah pawh ni se, he thu mal
hi 1Timothy. 1:9-10 ah pawh khan a awm a, mizo ah chuan mawngkawhur tih
chauhvin a in ziak a, tongbul lamah chuan arsenokoites tih a ni a. A thu awmzia
tak chu “arseno” hi male (mipa) tih na a ni a “koitei” hi “beds” tih na niin a
pahniha belh chuan “male-bedder(arsenoloitei)” tih na a ni. Mipa in zuar tiin
kan letling thei a ni. Mizo Bible in mawngkawhur a tih mai kha chuan a nih dan
ni chiah em em lo va, gay pangai sawina ni awm takin a lang a, mahse a thu mala
zir chian chuan gay leh lesbian sawina ni lo vin, mipa in zuar sawina zawk a
ni. Homosexual a nih theih loh chhan chu, homo family ah hian lesbian pawh a
tel a, mahse Arseno hian male(mipa) chauh a kawh a vangin homosexual
eng ti kawng mahin a ni thei lo a ni.1Timothy 1:9-10 a mi ang tho hian
1Korin.6:9 a mi pawh kha a ni ve bawk a ni. A sawi tum in ang ve ve a ni.
1Korin,6:9 leh 1Timothy 1:9-10 hi gay leh lesbian
thiam loh chantirna a nih loh zia leh modern Bible interpretation dik lo a nih
zia kan hre tawh a, a chian leh zual nan mahni ngei pawh hian zir ngam bawk ila
ava tha dawn em!
(Philo,
Jewish philosopher(Isua hun laia dam),20 BC - AD 40 “Arsenos koiten condemns
shrine prostitution, based on the context of Lev 18 & 20”, E.A. Sophocles
1807-1883 etc )
Prooftext
#4 Thil tenawm (Leviticus 18:22 Leh 20:1)
Leviticus 18:22”Hmeichhia angin mipa I pawl
tur a ni lo; thil tenawm a ni” tih leh 20:13”Miin
hmeichhia a mutpui anga mipa a mutpui chuan thil tenawm tak an ti ve ve a ni a,
tih hlum ngei tur an ni; an thisen mawh chu an chungah a awm tur a ni,” te
hi homosexuality behavior an ni a, tamtak chuan an history leh a context a zir
chianna nei lem lo vin, chang khat lek khi la in lesbian leh gay duh loh na ang
ah ngaiin Pathian huat zawng an ni tia tan chhanah kan hmang fo thin. Leviticus
bung18 leh 20 hi a history leh a context kan zir chian chuan homosexual
relationship thiam loh chantirna a nih loh zia kan hre thei a. Lev.18 a tir lam
kan en chuan “ Tin, LALPA chuan Mosia a
bia a, Israela thlahte chu bia la, an hnenah kei hi LALPA in Pathian chu ka ni
a. In awm tawhna Aigupta ram mite tih ang kha ti suh ula, ka hruai luhna tur
che u Kanaan ram mite tih ang pawh ti suh ang che u; an dan pawh zawm bawk hek
suh u. Ka rorelte chu in pawm ang a, ka dante chu zawhin in zawm tur a ni: Kei
hi LALPA chu ka ni,” tiin a in tan a. Amah lo pathian dang biak a duh loh
zia, ram dang pathian biak a duh loh zia sawina a ni a. Aigupa pathian tana in
hlan lo tura hrillhna a ni. A bung puma kan chhiara an history te kan en chuan he tiang hian kan hre thei a
ni.
Aigupta leh Kanaan pathian, Molech biaknaah
hian sex a in hnamhnoih nasa em em a, mahni chhungkaw pianpui unau, nu leh pa,
nutei patea etc thlenga sex hman dunna a awm a, chu mai pawh
ni lo vin shrine Prostitute an tih temple a
sex hman pui tur hrim hrima inzuar te awmin chung ho chu a hmei a pa in
an pathian biaknaah chuan sex an hman pui luai luai mai thin a. Virgin te taksa
hlana sex hman ho na te a awm bawk a. An pathian Molech tana ti vek an ni. Chang 21 ah pawh Molech pathian puala meia
tihluh tura fate pek loh tur thu te lamin a in ziak vek a ni. Leviticus 20 ah phei chuan Pathianin an
Molech pathian biaknaah in hnamhnoih lo turin a hrilh nasa zual a. Chutiang pathian biaknaah chuan shrine
prostitute an awm avang hian same sex behavior chu a lan phah na a ni. He mi
avang hian gay leh lesbian te an ni tih na a ni lo. Kan hriatthiam theihna tur
chuan mipa inzuar a awma, chu chuan a sum hmuh nan mipa pawh hmeichhia pawh a
mutpui ang hi a ni. He ta a khap bera chu sex nena in hnamhnoiha pathian dang
milem biakna hi a ni (shrine prostitute te hi an ni). Leviticus chungchang ah hian pathian dang
biakna nena in hnamhnoih lo homo in hmangaihna/ in leichinna demna a awm lo va,
shrine prostitute leh Pagan/ Molech pathian dang biakna duh loh na zawktih
lanna a ni. Homosexual relationship pangai tak duh loh sawi tumna a ni lo tih
chiang takin kan hre thei a ni.
Dr.
John MacArthur admits the context ofLev.18:22,20:13 was temple prostitute.
Dr. Merrill F.
Unger, 1909-1980 admit the context ofLev.18:22,20:13 was
temple prostitute.
The
leading anti-gay Christian scholar of our time, Dr. Robert Gagnon, admits on
page 130 of his book, The Bible And Homosexual Practice:
