MIZO LGBT CHRISTIANS te hi mi hrang hrang,
hmun hrang hrang leh denomination hrang hrang in suih khawm kan ni a. Kan pawl
ah hian ngaihdan pa hnih nei kan awm a. SIDE-A leh SIDE-B in kan inthen a. Chu
tih lai chuan SIDE nei miah lo, a lai hawl vel a awm, ngaihdan nei hran lova,
rilru la buai rih kan awm bawk.
SIDE-A
SIDE-A te rin dan ah chuan, Pathian hian kan
nih ang ang hian min pawm a. Inthlak danglam lui thei kan ni lova. Mahni anpui hi
kan kawp a nih pawn thianghlim tak leh Pathian duh dan a kawp tur kan ni tih hi
an ngaihdan a ni. Mihring amah mai a awm hi tha an ti lo a ni.
(Side-A te rin dan leh tan chhan chhiar zau
duh te tan hetah hian Click rawh)
SIDE-B
SIDE-B te rin dan ah chuan, Pathian hi kan
nih ang ang hian kan pan tur a ni a. Inthlak danglam theilo mahila, inthlak hi
kan tum tur ani tih leh kan chhungril nih dan hi pho lan loh hi an ngaihdan a
ni a. Tin, mahni anpui kawp hi Pathian duh loh zawng ni a an ngaih avang in
damchhunga single/celibate leh kawp neilo turin in serh thianghlim hi an
ngaihdan leh kalpui dan a ni.
Side-B te kan rin dan hi chu kan hriat sa leh
kan in zirtir nasat em em thin te an nih avangin sawi zauna kan rawn tarlang lo
a ni.
SIDE-A leh SIDE-B te hi kan ngaihdan in ang
lo hle mahse, he kan pawl din ah hian thahnem ngai tak leh inlungrual takin kan
thawk ho ani.
Kan Group ah hian IN HNIAL NA ROPUI kan nei
a. I lo thlir ve duh em?
SIDE-A leh SIDE-B te IN HNIAL NA ROPUI.