He zawhna hi chhan har tak a ni a, tuman a chhanna fumfe an pe thei lo a ni. Thenkhatin mawlmang takin lesbian an nih chhan chu an bialpa ten an rinawm loh san emaw, an pa ten an rilru an tihnat avanga lesbian a inlet angah an ngai a. Chutiang bawkin mipa pawh nise an bialnu ten an rinawm loh sana, chhungkaw nu ber atanga experience thalo tak an hma chhawn avanga gay a in let angah an ngai thin bawk. Chutiang anga in leh (let) theih ni ang ta se khawvel ah hian an tam ngawt ang le.
Thil engkim chhanna hi kan Bible ah hian a awm famkim ti ila kan tisual lem lo a nga, gay leh lesbian an nih chhan hi nu leh pa vang leh ngaihzawngte vang nilovin, nu pum chhung atang renga an rawn pianpui, straight ho ang thova an pianpui nihna a nih zia Isuan Mathaia. 19:12 ah a lo sawi nghe nghe a ni.
Isua ngei pawn a lo pawm thlap leh nu pumchhung atanga born gay/ lesbian/ trans hrim hrima piang an nih thu a lo sawi a, kei nin la awih lo cheuvin;"a ni lo," kan la ti dawn em ni? Engtin nge straight i lo nih tiin zawhna siam ta ila, Pathian min siam dan kan ti ve tho ang. Chutiang bawkin TUAI/PATIL ho pawh hi Pathian siam dan ve tho an ni a, danglam bikna a awm lo a ni. Chutih rualin mi thenkhat tuai/patil ni chuang si lova in la kual, awmherh erawh an awm ve tho a ni. Chung mi te avangin midang ho kan hmu dik lo vek tur tihna erawh a ni lo a ni.
0 Comments