He zawhna hi zawhna ka dawn ve fo te zinga pakhat a ni a, pawimawh em
em a ni bawk a. Tin, LGBT nghar nghar tan pawh nilovin mihring zawng zawng
tana pawimawh em em a ni. Tupawh hian mi zah kai nih kan duh a, nuihzat
siam nomnah nana hman nih hi kan duh lo vek a. A bik takin LGBT life
bik ah hian mahni in dah hniamsa rilruk neiin kan nun kan lo hmang a,
tu ma ngaih pawimawh loh ah in dahin, "engmah lo ni ta sa sa" tia nun
uluk lo taka hmang kan tam. A then erawh tha taka nuna Lalpa tana in
hman te, khawtlang leh kohhran tana in hman te kan duh ve bawk a. Engtin
nge kan tih ang tuai/patil ni chungin mi te zahkai kan nih theih ang? Timothy-a nun atang zir ila.
Timothy kha pastor hna a thawh khan kum17 vel mi lek a ni a, tin a
awmna kohhran kha Greek an tam zawka, nihna leh experience nei tam
ngaisang mi an ni. Pastor naupang ve tak tan chuan a zam rum rum in hre
awm a ti ve thei hle ang le. Mahse Paula khan a naupan avang khan mahni
leh mahni in ngainep lo turin a fuih a, tong lehlamah chuan experienced
neih tlem avang khan lungngai lo turin a fuih a ni. Hetah kan hriat tur
chu, a naupanna mi ten an ngaihnep theih loh nan Paula khan tih tur kha
a hrilh a ni.
1 Timothy 4:12 I naupanna tumahin ngainep suh se;
thusawi kawngah te, chetze kawngah te, hmangaih kawngah te, rinna
kawngah te, thianghlimna kawngah te ringtute tihhmuhtu ni zawk ang che.
👆Timothy khan ama nunah tih lan tur leh nun pui tur kha a nei ve a ni, chungte chu.
1. A nitin nuna a chetzia kawngah midang te en tawn tlaka nun
2. A tawngkam hman duhdan kawngah midang en tawn tlaka tong
3. Hmangaihna leh khawngaihna kawngah midang entawn tlaka nun chhuah pui
4. Rinna kawngah leh thianghlimna kawngah midangte entawn tlaka nun
👆Heng
a zirtir te hi kan nunah a awm phawt chuan LGBT kan ni emaw, nilo emaw
midang te ngaihnep leh hmuhsit hi kan hlawh dawn lo tih na a ni. A bikin
thianghlimna te hi a pawimawh em em a, kan nunah a lan mio si loh chuan
tu zah nge kan kai teh lul ang? Tongkam chhe tak2 hmang reng fo ila tu
zah nge kan kai ang? Chuvang chuan GAY, LESBIAN OR LGBT +STRAIGHT mi
zahkai nih kan duh chuan Paula zirtirna khi ka tan a ni ve tia mahni
nuna nunpui tu kan nih a ngai a ni.
0 Comments