ENGVANGA KAN THALAI (LGBTQ) TAM TAK INKHAWM BANSAN NGE AN NIH?


Christian za ah za awmna kan lo tih thin Mizoram ah hian kohhran hrang hrang kan awm a, rindan in anglo nuaih zinga thil thleng in ang deuh thum chu LGBTQ members inkhawm hmuh tur awm lem lo hi a ni awm e! Mizo tena kan hriat thiam dan tur chuan TUAI leh PATIL biakina in hmang leh inkhawm hmuh tur an awm mang lo hi a ni. An naupanlai chuan biakin ngaina tak te pawh an lo ni mai thei, mahse ti nge kan thalai tam tak te hian inkhawm hi an bansan in thenkhat sakhaw danga in let mai an awm tak le? 

A chhan leh vanga rin theih zinga mi chi thumin sawi ila,...(tuai/patil nilo tha lai pawh a huam vek a ni).

1. Genuine born again kan tih piangthar, chhandamna chang , hrefiah an nih loh vang a ni.

Kan thalai tam tak te hi Christian in ti ve mahse an mahni nuna chhandamna hriatfiahna nei chuang lo, thlahtu te Christian an nih avanga Christian in ti ve mai leh  cultural Christians an nih vang a ni. Chung mi te chu Kohhran ah in hmang thin mahse sakhaw mi tha mai an ni a, thlarau bo an ni reng tho a ni. Eng emaw harsatna, lung nih lohna te lo awm changa sakhaw dangah in let leh mai te pawh an awm nual bawk. Chhandamna hrefiah lo christian kan thalai zinga an tam em avangin inkhawm an bansan thin a ni.

2. Biakinah Bible in zirtirna dik a awm loh vang a ni. 
Hmanlai ringtu te kha chuan Bible hi verse by verse in an lo in zirtir thin a, a dik nge dik lo tih te nen lamin an chhui vek zel a. Mahse tun ang hunah chuan kha tiang kha a awm tawh lo va, ngaihdan leh tha tih dan angin thu kan sawi vak vaka, thalai nun tuihal te tan damna a awm tawh lo a ni. 

3. Mipui ten midang sawisel leh deu kan hrat luat vangin.

A bik takin he thu ah hian straight(tuai/patil nilo) thalai dangte aiin kan LGBTQ (tuai/patil) te tan inkhawm ngam tawh lo tur khawpin mipui ten kan siam thin. Rawng(color) chi hrang hrang a awm ang hian pangparah pawh chi hrang hrang an awm a, chutiang bawkin mihringah pawh mi chi hrang hrang, duh dan in ang lo, mize in anglo, kan awm veka, rawng(color) te pawh an mahni nihna ang angah an mawiin an tha veka, chutiang bawkin mihring chi hrang hrang te pawh hi in anglo thum mah ila mahni nihnaah tha leh mawi kan ni vek a ni. Mi tu emaw kan duh dan anga an awm loh avangin an diklo bikin an tha lo bik tihna a ni kher lo. Midang te duhdan angin kan awm bik thlap thlap chuang lo. A bik takin Tuai/patil ten biakin an lo pana, an nihna ang angin an inkhawma, Pathian a lawm em em laiin keini mipui te chuan kan zirlai Pathian thu pawh ngaithla thei lek lovin kan lo en a, biakin chhunga samak lut ni awm tak hian kan en zui zela, an hriat tham lek turin kan sawisel a, sawiselna karah tu nge inkhawm reng peih ang le?

Patil ten incheina pa an ngaina a, an ngainat zawng ang angin Pathian biakin an lo kala, mipui ten kan lo sawisela, lawm tu turin sawiselna tawngkam kan pek chuan a lehpekah , "diamond ka pe ang che lo in khawm leh rawh", ti mah la, an lo kal tawh lo vang. Hmuhsitna hmuna sa tui tak ei ai chuan min hmangaihtu te bula chi nen chauhva chawei hi a tuiin a nuam zawk a ni. Tuai leh patil inkhawm te sawisel thintu i nih chuan, hei hi nangma dinhmun ni ve ta se, engtin nge i tih ang? Biakin ah i kala, miten an lo sawisel chiam che a, hmuhsit tawngkam beng hriat tawk lekah an sawi sesea, a karleh inkhawm hunah i tel duh ve leh kher a ngem le? A teuh lo!! 

An sawi thin, beng pahnih kan neia, kà pakhat, tawng aiah ngaithlatu nih a that zawkzia in zirtir nan kan lo hmang thin a. Tuai leh patil te i sawisel, hmuhsit hma in an harsatna leh an dinhmun hriat thiam tumin i beng pahnih hmang khan ila ngaithla ngai re re em le? Ngaithla ngai lo i nih chuan tun atang ngaihthlak lo tum ve tawh rawh le! 

Mizo society ah phei chuan incheina hi vanram kaina leh Pathian tih lawmna emaw hi kan ti a, patil pakhatin kekawr a hak avang te hian a chungah Pathian thinur em em tur ang ten kan han sawi a, Pathian hi mizo te chungah a kawlh bik em ni? Nge kan cultural Christianna hian min luah khat lutuk zawk? Mahni hnam kal dan phung leh Pathian thu te hi pawlh nuaih tur kan ni lo a sin. Bible chuan, i incheina chu chhunglam mawina ni rawh se, a tia nih kha. Chhunglam mawina awm lo pawnlang mawina hian Pathian lung a ti awi hauh lo mai! Pathian hian kan nihna ang anga Amah kan biak hi a duhber a ni. Kan nihna lo anga Amah biaknaah hian Pathianin lawmna reng a nei lo.

Patil pakhatin a nihna ang anga Pathian a biak hian Pathian a lawm zawk. Tuai pakhatin a nihna ang anga Pathian a biak hian Pathian a lawm zawk, tuai nilo pawn ama nihna ang anga Pathian a biak hian Pathian a lawm zawk a ni. Sawisel leh lo hnar tur hian eng nge maw kan nih ve cheu le? Hmangaihna nena nung tura min hrilhtu Pathian ring in ti si hian a fate chungah kan nun a rawng leh viau si. Hmangaihna kan neih loh avang hian tuai/patil te inkhawm kan sawisel nasa a, kan hmusita, biakin thleng leh ngam tawh lo turin kan siama, khawlai leh drug addict an nih chhan tam tak pawh hi mipui hnen atang hmangaihna dawng lovin, huatna tawngkam hlir an dawn vang a ni. LGBTQ (tuai/patil) te inkhawm an bansan chhanber hi biakinah Farisai mipui kan tam luat vang a ni. In enfiah leh kan mamawh khawp mai.

Awle, kan thalai tam tak ten inkhawm an bansan chhan hi Biakin ah thutak in zirtirna a awm mumal loh avangin chhandamna an hrefiah lo va, chu hriatfiah loh na chuan a hnuah lungawi lohna a awm chuan inkhawm tawh loh nan leh sakhaw danga in let nan an hmang thin a. LGBTQ (Tuai/patil) bikah chuan inkhawm chak reng thin mahse Farisai mipui ten hmangaihna a enlovin leh Krista min en angin kan lo en ve lo va, kan lo tuithlarin kan lo en hran thin vang a ni. Ringtu christian diktak kan nih chuan Pathianin Kristaa min en angin midang te pawh en ve zel tur kan ni. Lalpan malsawm che rawh se. Amen.

Post a Comment

0 Comments