HOMOSEXUAL(TUAI/PATIL) TE HIAN AN ANPUI NA ZAWNG AN IT IN AN DUH VEK KHER EM?

He thu hi ziah ka tumna a rei tawh hle a, mahse tun tumah chauh ziah chhuah a rawn ni a. He topic kan tarlan chhan pawh tuai/patil te hian an anpui na zawng an duh in an it vek tur anga ngaihna a awm avanga ziah a ni. He kan ngaihdan diklo tak mai hi tih bo duh vang leh tuai/patil te din hmun chiang zawka kan lo hriat nan khaihkhinna tlem te nei bawk ila. Tuai/patil te hian an anpui na zawng an duhin an it vek em? Kan ngaihdan ang ngawt hian an nun hi a chaw lawl em? 

Tuai/patil te hian an anpui na zawng an duh vek kher em?

Mi tam tak (straight tam zawk) ngaihdan ah chuan mi tu emaw tuai/patil tih an hriat ngai miah loh in tuai/patil a nihna sawi ang ta se, an bul hnai ah an awm duh tawh lova, thian atan pawh an duh tawh lo hial thin a, a chhan chu an thian tuai/patil khan a ngaihzawn an hlauh vang a ni thin a ni. Chhan dang awm nual mahse "min lo ngai zawng vel a nge kan tuai/patil khan," tiin an thian atang te an ban mai thin. Ngaihdan tha lo tak a ni. Tuai/patil an nih ngawt avang hian an anpui nazawng duh tura kan ngaihna hi a dik lo hle tih hi kan hriat a pawi mawh a. He thu ah hian straight te nen hian khaihkhinna nei bawk ila.

Straight te hian an opposite sex nazawng hi an ngaizawng vekin an it vek kher em?

A chhanna chu ngaizawng vek kher lovin an it vek kher lo, tih hi a ni. Straight ho tan chuan sawi a awlsam mai thei, a chhan chu mihring tam zawk hi straight an nih avangin thil kal hmang chu kan hre vek a nga, straight ten an opposite sex an hmuh nazawng an duh in an it kher bik loh ang hian tuai/patil te pawh an ni ve tho a ni. Straight ten duh zawng, ngainat zawng , duh loh zawng, etc an neih ang tho hian tuai/patil te pawh hian duh zawng, duh loh zawng, ngainat zawng an nei ve vek a ni. Dang lamna bik vak a awm lo a ni. Tuai/patil an nih bik avang hian straight thenkhat te ang lo takin an hmuh na zawng an duh bik kher lo a ni. 

A nih chuan tuai/patil thenkhat te hian nga ti nge an anpui an hmuhna zawng an it tho si? Straight te zingah pawh mahni opposite sex na zawng mutpui thei mai an tam viau lo em ni? Tam teh reng mai. Straight fel tak tak te zingah fello tak tak an awm angin, fel tak tak te pawh an awm a, mahni kawppui tana rinawm tak an awm laiin rim awm lo tak tak an awm bawk a, sex lamah opposite sex na zawng an hmanpui theih angin thenkhat thih thlenga in vawng fel an awm leh bawk a. Chutiang chiah chuan tuai/patil te zingah pawh hian an awm ve bawk a ni. Thenkhat mahni kawppui te tana rinawm em em an awm laiin, thenkhat mahni anpui na zawng mutpui duh mai an awm bawk a, thenkhat thih thlenga in vawng fel an awm ve leh bawk a. Straight te nen danglamna vak a awm lo a ni. Mahni duh zawng, ngainat zawng kan neih theuh ang hian a tua pawh hian kan ngainat zawng nula tlangval chu kan beiseiin an kianga hun hman kan chak theuh a nih kha. Danglam bik viau na a awm hran lo a ni. Straight an nih avang ngawtin an felin an tha bik vek lo va, an sual bik vek hek lo, chutiang bawkin tuai/patil an nih avangin an tha bikin, an felbik chuang lova, an sual bik chuang lo bawk a ni. Tuai/patil an nih avangin mahni anpui an hmuh na zawng an duh vek kher lo, duh zawng an nei ve vek a ni. Min ngaizawng palh ang tiin eng ang pawn hlau mahla an duh zawng i nih loh chuan an anpui pawh ni mahla an ngaihtuahnaah i lang pha teuh lo mai. Chu chu tuai/patil te ah chauh em ni awm? Ni lo ve, straight te ah pawh a ni ve tho a ni. Kan duh loh zawng mihring kan dream ut ut ngai lo. Tuai/patil te hian an anpui nazawng an it kher lo, tih hi ilo hre thar leh ang u. 

I thian zingah tuai an awm emaw, patil an awm emaw, straight an awm emaw a nih pawhin an nihna avangin kalsan tum lo la, nangmah ang tho va, mihring mahni duh zawng, ngainat zawng nei an nih zia hria in, an tan awm reng zawk ang che.

Homosexual te hian kan ngaih ang ngawtin mahni anpui nazawng an duh vek kher lo a ni. Nangmah ang tho va duh zawng, ngainat zawng, huat zawng nei ve tho an ni. Danglam bikna reng a awm lo.