SEXUAL ORIENTATION HRANG HRANG TE

Pathian siam mipa leh hmeichhiaah hian midang chunga sexual attraction kan va neihna zawn lai tak hi in ang lo thum kan awm a, chu chu tuna kan sawi tur sexual orientation hi a ni a,tin, pian pui nihna mipa leh hmeichhia hi biological sex an lo ti a. Biological sex chhungah hian intersex an tih neih kawp neia piangte pawh hi tun hnuah chuan an sawi tel ve leh tho va, kan topic a nih loh avangin sawi zawm lo mai ila. Mipa leh hmeichhiaa piangte sexual orientation hrang hrangte chu sawi dawn ila.

(a)        HETEROSEXUAL: Mahni opposite sex ngai zawng(hip) te an ni a, "Straight" ti pawhin an sawi bawk a ni.

(b)        HOMOSEXUAL:

            Mahni anpui, same sex ngaizawng chi an ni a, he mi ah hian Gay, Lesbian tiin an awm a. Mipa mahni anpui ngaizawng(hip) te hi Gay an ti a, hmeichhia mahni anpui hip te hi Lesbian tiin an ko bawk a ni. Lesbian family ah hian chihnih in an awm leh a, (1) Femme leh (2) Butch te an ni. Femme ho chu mizo taka kan sawi dawn chuan lesbian nu chi kan tih ang te hi an ni a, butch ho chu lesbian pa chi te hi an ni.

(c)        BISEXUAL: Mipa ni si a mahni anpui mipa leh opposite sex (hmeichhia) pawh hip chi hi an ni. Chutiang bawkin hmeichhia ni a mipa leh hmeichhia hip thei ve ve te hi an ni bawk a ni.

(d)       ASEXUAL: Heng ho hian a tu amah hi sexual attraction an nei lo va, mahse relationship ah chuan rei tak pawh an awm thei a, sex lam chakna engmah an nei lo thung a ni.

(g)      PANSEXUAL:  Hengte danglamna ve thung chu eng ang mi pawh  hip/ ngaizawng thei vek te an ni. Mahse an tam lem lo.  

Awle, tunah chuan ila hriat ngai loh sexual orientation chungchang i hre tawh a, nangmah ngei pawh eng ang orientation nge i nih ve, tih hi i in hriat chian tawh kan ring bawk a ni.