Homo/Bi/Patil/Tuai ho hi vanram an lut ve a ngem?

Mi tupawh Isua ringtu chuan chatuana nunna a nei tawh a. Gay, lesbian, bi etc Isua ringtu chu vanram a kai ngei dawn a ni. Krista an rinna avangin vanram chu an ta ngei a ni tawh zawk a ni.

Mi tamtak ngaihdanah chuan homo ho hi vanram an kai ve lovang an ti a, thenkhat phei chuan Pathianin vanram kai lo tura a ruat bikte an nih hial an ring bawk a ni. Mahse kan Bible ah hian tumah hi Pathianin a ruat lawk loh avanga chhandam ni lo an awm lo va, Isua an rin loh avang chauhva chhandam ni lo an awm thung a ni. Mahni ngaihdana midang chunga ngaihdan lo siamve ngawt hi a atthlak hle a ni. Bible chuan "Tupawh Isua ringlotu chu tun apangin thiam loh vin a awm a ni" (John.3:18) a ti a ni.

Vanram kai leh kai loh thu-ah chuan homo i ni emaw, straight i ni emaw, bi ini emaw ah a in nghat lo va, Krista ringtu i nih leh nih lohvah a in nghat zawk a ni. Engang pawhin straight fel nimahla Isua ringtu i nih si loh chuan vanram i lut thei chuang lo va, homo fel tak pawh ni la, Isua i rin si loh chuan vanram i lut thei chuang lo a ni.

Chhandamna thu, vanram kaina thuah chuan kan Bible chuan Johana 3:16 ah chiang takin min lo hrilh a, English hawh lawk ila. "WHOSOEVER" tih a hman avangin "Mi engang mi pawh" tih na a ni. Homo pawh, straight pawh, bi pawh, asexual pawh, zu rui pawh, ruilo pawh, eng ang mi pawh Isua an rin chuan thi lovin (meidil tla lovin) chatuan nunna an neih zia min hrilh a ni.

             Johana 3:16 hian, "Heterosexual (straight)" chauh ti sela chuan adang ho zawng zawng chu sawi buai tam lovin vanram an lut ve thei dawn lo tih na a ni. Mahse heta 'whosoever' hi nangmah kha i nih avangin chhandamna hi straight ho ta chauh ni lovin, gay, lesbian, bi etc te ta a ni ve bawk tih a chiang hle a ni.

              Chhandamna thu ah chuan "whosoever believe in Jesus" tih a nih avangin homo, bi, trans etc Isua ringtu chu vanram an lut ngei dawn a ni.